ყვითელი ავტობუსი

2013 წლის 17 მაისს, ჰომოფობიის წინააღმდეგ მიმართულ საერთაშორისო დღეს, თბილისში ლგბტ თემის 40-მდე წარმომადგენელი შეეცადა ჩაეტარებინა მშვიდობიანი აქცია, რასაც დაუპირისპირდა 20.000-ზე მეტი მოქალაქე. აქციის მონაწილეებმა სცადეს თავი დაეღწიათ ყვითელი ავტობუსებით, რომლებზეც იერიში მიიტანეს კონტრდემონსტრანტებმა.
15-არხიანი ვიდეოინსტალაცია ამ მოვლენის ნატო ვაჩნაძის ქუჩაზე განვითარებული ეპიზოდის დროსა და სივრცეში რეკონსტრუირებას ახდენს და მის ერთ ფაზას 15 სხვადასხვა კამერის პერსპექტივიდან წარმოადგენს, რომლებიც გადაღებულია ჟურნალისტების, თავდასხმელების და თავად მსხვერპლის მიერ.
Date 23 ივლ, 2018